સુરતનાં કામરેજ તાલુકાનાં કોસમાડી ગામે ટાંકી ફળિયામાં રહેતા, રમેશભાઈ બેચરભાઈ વસાવા (ઉ.વ.62) જે જેઓ છૂટક મજૂરી કામ કરી ગુજરાન ચલાવે છે અને તેઓ ગત તા.16 નવેમ્બરના રોજ સાંજના સમયે પોતાની મારુતિ વાન નંબર જીજે/19/એએ/2677 લઈ કોસમાડી પાટિયા નજીક કામ અર્થે ગયા હતા અને રાત્રિના 8 વાગ્યાની આસપાસ કોસમાડી પાટિયાથી કોસમાડી ગામ તરફ જતાં માર્ગ ઉપરથી પસાર થતા હતા તે સમયે તેમને સ્ટેરીંગ પરથી કાબૂ ગુમાવી દેતા કાર રોડની સાઈડમાં ઉતરી ગઈ હતી અને સર્જાયેલા આ અકસ્માતમાં રમેશભાઈને શરીરે ગંભીર ઇજા પહોંચતા તેમનું મોત નીપજયું હતું. બનાવ અંગે કામરેજ પોલીસે કાર્યવાહી હાથ ધરી હતી.