સોનગઢથી લગભગ 50 કિલોમીટરના અંતરે મહારાષ્ટ્રની બોર્ડેર પર ઓટા ગામ આવેલ છે અને આ વિસ્તારમાં અન્ય 20 કરતા વધુ નાના-નાના ગામો આવેલા છે. આ ગામો માંથી મોટી સંખ્યામાં વિધાર્થીઓ અભ્યાસ માટે આવે છે તેમજ કામ ધંધાવાલા લોકોનું પણ તાલુકા મથકે અવર જવર હોય છે. સોનગઢથી પરત ઓટા સુધી જવા ઉપડતી બસ કોરોનાના કારણે બંધ થઈ હતી અને આ રૂટ પર મીની બસ દોડવાતી હતી જેથી મુસાફરોની ભીડ જોવા મળતી હતી. જેથી આ બાબતે તાલુકા પંચાયત સભ્ય પ્રીતિબેન ગામીત, સરપંચ અનાજીભાઈ તથા માજી તાલુકા પંચાયત સભ્ય યાકુબભાઈ ગામીત સહિતના આગેવાનોએ ડેપો ખાતે ઓટા સુધીની રાત્રી રોકાણની બસ સેવા શરૂ કરવા માંગણી કરી હતી.

 

 

 

 

પરંતુ એ બાબતે ધ્યાન આપવામાં આવ્યું ન હતું તેથી આગેવાનોએ ગત તા.24 ઓગસ્ટના રોજ સોનગઢ મામલતદારને રજૂઆત કરી હતી અને જો 2 દિવસમાં યોગ્ય બસ સેવા શરૂ ન કરાયા તો ડેપો ખાતે ધરણા પર બેસવાની ચીમકી આપી હતી જેથી રજુઆતને ધ્યાનમાં લેતા સોનગઢ ડેપો મેનેજર દ્વારા ગુરુવારથી જ ઓટા રાત્રી બસ રોકાણ સાથેની બસ સેવા શરુ કરી હતી. જેથી વિધાર્થી તેમજ અવર-જવર કરતા તમામ લોકોનું સુખદ નિરાકરણ આવ્યું હતું અને ધરણાનો કાર્યક્રમ રદ કરવામાં આવ્યો હતો.

 

 

 

 

સોનગઢથી ઓટાની બસ સાંજે 5.45 કલાકે ઓટા જવા રવાના થશે અને ઓટા ગામે રાત્રી રોકાણ કરી બીજા દિવસે સવારે 5.45 કલાકે ઓટાથી નીકળી પરત સોનગઢ તરફ આવશે એની સાથે જ આ ઋત પર આવેલા મલંગ દેવ જવા માટે બપોરે 12.15 કલાકે બસ મુકવામાં આવી છે જે બસ બપોરે 1.45 કલાકે મલંગ દેવ થી સોનગઢ આવશે અને નજીક આવેલા ચિમેર ગામ માટે પણ સોનગઢથી 7.30 કલાકે નીકળશે એ સવારે જ 8.30 કલાકે પરત સોનગઢ માટે આવશે.