ચીખલી નગરના વાણીયાવાડમાં રહેતા વિનોદકુમાર કુબેરદાસ ત્રિવેદી (ઉ.વ.59) જે પોતાની મોટરસાયકલ નંબર જીજે/21/એએફ/3589 ઉપર રાત્રીના સવા આઠેક વાગ્યાના અરસામાં ઘર તરફ જઇ રહ્યા હતા. તે સમય દરમિયાન ચીખલી રેફરલ હોસ્પિટલની સામેના મુખ્ય માર્ગ ઉપર કોઈ અજાણ્યા વાહન ચાલકે ટક્કર મારતા કે પછી તેઓ જાતે બાઈક ઉપરથી પડી જતા તેમને ઇજા થતાં તેમનું મોત નીપજ્યું હતું. બનાવ અંગેની ફરિયાદ યોગેશકુમાર ત્રિવેદીએ આપતા પોલીસે ગુનો નોંધી તપાસ હાથ ધરી હતી.