ચીખલી તાલુકાના આલીપોર ગામેથી ગૌરક્ષકોની મદદથી પોલીસે 100 કિલો ગૌમાંસ ઝડપી પાડી ચાર જેટલા ઈસમોને વોન્ટેડ જાહેર કર્યા હતા.

સુત્રો પાસેથી મળતી માહિતી અનુસાર, ગૌરક્ષકો દ્વારા મળેલ બાતમીના આધારે પીઆઇ તથા તેમના સ્ટાફે ગૌરક્ષકો સાથે આલીપોર ગામના પારડી ફળીયા હનીફ નાગધરીયાના તબેલાની સામે ખુલ્લી જગ્યામાં રેડ કરતા એક કાળા રંગની ગાય તાજી કાપેલ હાલતમાં અને 100 કિલોગ્રામ જેટલું ગૌમાંસ તથા નાના-મોટા છરા સહિતનો મુદ્દામાલ કબ્જે કર્યો હતો. પોલીસ અને ગૌરક્ષકોને જોઈ અંધારાનો લાભ લઇ નાસી જતા પોલીસે હનીફ નાગધરીયા, કાલુ મુસ્તુફા દિવાન, સાજીદ અબ્દુલ પઠાણ અને અહમદ યુનુસ રંગુની (તમામ રહે.આલીપોર ગામ, તા.ચીખલી) એમ ચાર જેટલા ઈસમોને વોન્ટેડ જાહેર કરી તમામને પકડવાની કામગીરી હાથ ધરી હતી.