વાંસદા તાલુકાના ભીનાર ગામના ખડકાળા સર્કલ નજીક સામાજિક વનીકરણ હસ્તક આવેલ જાનકી વનમાં લગાવેલી ત્રણ સ્ટ્રીટ લાઈટની ચોરી થતા વનકર્મીએ વાંસદા પોલીસ મથકે ફરિયાદ આપી હતી.

સુત્રો પાસેથી મળતી માહિતી અનુસાર, ભીનાર ગામના ખડકાળા સર્કલ નજીક આવેલા સામાજિક વનીકરણ હસ્તક ચાલતા જાનકી વાનમાં લગાવેલી સ્ટ્રીટ લાઈટમાંથી ચારટાઓ રાત્રિના સમયે થાંભલા ઉપરના વાયર તોડી ચોરી કરી ગયા હતા. આ ત્રણ સ્ટ્રીટ લાઈટની કીંમત રૂપિયા 3 હજાર હતી જેથી લાઈટની ચોરી થતા હેમંતભાઈ પટેલે વાંસદા પોલીસ મથકે અજાણ્યા ચોરટાઓ વિરુદ્ધ ગુનો નોંધાવ્યો હતો.