નવસારીના ચીખલી તાલુકાના સરૈયા અંબિકા નદીના પુલ પાસેથી કાર માંથી રૂપિયા ૧.૯૦ લાખનો વિદેશી દારૂ સાથે એકની ધરપકડ કરી જયારે ત્રણ ઈસમોને વોન્ટેડ જાહેર કરી વધુ તપાસ હાથ ધરી હતી.
સુત્રો પાસેથી મળતી માહિતી અનુસાર, પોલીસ સ્ટાફના માણસો પેટ્રોલિંગમાં હતા. તે દરમિયાન મળેલ બાતમીના આધારે વોચ ગોઠવી ટાંકલ-સણવલ્લા રોડ ઉપર સરૈયા અંબિકા નદીના પુલના છેડે કાળા રંગની હુંડાઈ સેન્ટફી કાર નંબર જીજે/21/એએચ/8998ને અટકાવી તેમાંથી ટીન બિયર નંગ 1965 જેની કીંમત રૂપિયા 1,90,500/- અને કાર સહિત રૂપિયા 7,94,500/-નો મુદ્દામાલ કબ્જે કરી કેયુર રોહિત ભંડારી (ઉ.વ.26, રહે.મરી માતાના મંદિર પાસે,બારડોલી) ની ધરપકડ કરી દારૂનો જથ્થો ભરી આપનાર જીગર ઉર્ફે જીગો પટેલ (રહે.ભેંસરોલ,દમણ) તેમજ દારૂની જથ્થો મંગાવનાર ભરત રાઠોડ (રહે.પલસાણા) અને રાજુ વસાવા (રહે.કામરેજ) એમ ત્રણ ઈસમોને વોન્ટેડ જાહેર કરી વધુ તપાસ હાથ ધરી હતી.
મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં. 78200 92500