નવસારી જિલ્લાના વાંસદા તાલુકાના સુખાબારી ગામે તાત્કાલિક અસરથી આગામી તા.૨૯/૦૬/૨૦૨૧ સુધીના દિવસ દરમિયાન રોજ સવારના ૬-૦૦ વાગ્યાથી સાંજે ૬-૦૦ વાગ્યા સુધી અથવા કાર્યકક્રમ પુર્ણ થાય ત્યાં સુધી નવસારી જિલ્લાના અધિકારીઓ/કર્મચારીઓનો ફાયરીંગ તથા અશ્રુવાયુની પ્રેકટીસ યોજાશે.

જેને અનુલક્ષીને  અધિક જિલ્લા મેજીસ્ટ્રેટ કે.જે.રાઠોડે એક જાહેરનામા દ્વારા ગોળીબાર પ્રેકટીસ દરમિયાન આજુબાજુના રહીશો તેમજ બહારના કોઇ અનઅધિકૃત વ્યકિતઓને ફરવા કે ઢોરઢાંખર પ્રવેશ પર  ફાયરીંગ બટ વિસ્તારમાં પ્રતિબંધ ફરમાવ્યો છે. આ હુકમનો ભંગ કરનાર ગુજરાત પોલીસ અધિનિયમ-૧૯૫૧ની કલમ-૧૩૫ મુજબ શિક્ષાને પાત્ર થશે.