ચીખલી પોલીસ સ્ટેશન નજીકથી વરલી મટકાના જુગારધામ પર પોલીસે છાપો મારી એક ઈસમને ઝડપી પાડી રોકડા રૂ.૩૫,૩૨૦/- કબ્જે કરી વધુ તપાસ હાથ ધરી હતી.

સૂત્રો પાસેથી મળતી માહિતી અનુસાર, ચીખલી પોલીસ મથકેથી ૧૦૦ મીટરના અંતરે આવેલ દભાડ મહોલ્લામાં રહેતા અબ્દુલ કરીમ મહમ્મદ લાકડાવાલાના ઘરની બહાર જાહેર રોડ ઉપર વરલી મટકાનો હારજીતનો જુગાર રમાતો હોવાની બાતમીના આધારે, ચીખલી પીઆઇ તથા તેમના સ્ટાફે છાપો મારતા આવતા જતા ઈસમો પાસેથી ગેરકાયદેસર રીતે મિલન બજાર, કલ્યાણ બજાર, ટાઈમ ઓપન તથા મેઈન બજારના વરલી મટકાના આંક ફરકના આંકડાઓ ઉપર પૈસા વતી લગાડી હાર જીતનો જુગાર રમી રમાડતા અબ્દુલ કરિમ મહમ્મદ લાકડાવાલાને પોલીસે રંગે હાથે ઝડપી પાડી ટેબલ ઉપર મુકેલ રોકડા રૂપિયા ૧૪,૩૨૦/- તેમજ અંગ ઝડતી લેતા રોકડા રૂપિયા ૨૦,૦૦૦/- તથા બે નંગ મોબાઈલ મળી કુલ રૂપિયા ૩૫,૩૨૦/- સાથે ઝડપી પાડ્યો હતો. જ્યારે પોલોસની રેડ જોઈને ભાગી જનાર બશીર મહોમ્મદ લાકડાવાલા (રહે.દભાડ મહોલ્લો તા.ચીખલી) ને પોલીસ ચોપડે વોન્ટેડ જાહેર કરી વધુ તપાસ કરી રહ્યા હતા.