નર્મદા જિલ્લાના ડેડીયાપાડા ખાતે આવેલી સરકારી વિનિયન કોલેજની સામે એક બોલેરો ગાડીના ચાલકે પોતાની ગાડી બેફામ હંકારી મોટર સાઈકલ સાથે અકસ્માત કરતા મોટર સાઈકલ પર જઈ રહેલા બે ને ગંભીર ઇજાઓ થઈ હતી.

સુત્રો પાસેથી મળતી માહિતી મુજબ, નિતેશભાઈ રાયસીંગભાઈ વસાવા(રહે.કોયલી,તા.નેત્રંગ જી.ભરૂચ)ની ફરિયાદ મુજબ તેઓ તેમની મોટર સાઈકલ નંબર જીજે/16/સીઆર/1886 ઉપર જતાં હતાં. તે સમય દરમિયાન ડેડીયાપાડાની સરકારી વિનિયન કોલેજ સામે એક બોલેરો પિકપ ગાડી નંબર જીજે/22/યુ/2978ના ચાલકે પોતાની ગાડી ગફલત ભરી રીતે હંકારી લાવી મોટર સાઈકલ સાથે અકસ્માત કરતા તેમના હાથના કાંડા પાસે ફેક્ટર કરી તથા બચીબેનને પગના ઘુંટણથી  ફેક્ટર કરી બોલેરો લઈ નાસી છૂટ્યો હતો. પોલીસે આ બનાવ અંગે ગુનો દાખલ કરી  વધુ તપાસ હાથ ધરી હતી. (ભરત શાહ દ્વારા રાજપીપળા)