બારડોલી તાલુકાના સુરાલી ગામે પોલ્ટ્રી ફાર્મ પાસે આવેલી કામદાર કોલોનીમાં રહેતા અને ડ્રાઈવિંગનું કામ કરતાં ધનસુખભાઈ બાબુભાઈ ચૌધરીની પત્ની સુમીત્રાબેન (ઉ.વ.૫૫) પોતાના ઘરે ઢાબા ઉપર જઈ રહ્યા હતા. તે દરમિયાન તેમને ખેંચ આવતા સીડી પરથી લપસી જતા નીચે જમીન પર ભટકાતા માથામાં ગંભીર ઈજાઓ પહોંચી હતી. તેથી તેમને બ્રેઈન હેમરેજ થતાં મૃત્યુ નીપજ્યું હતું. બનાવ અંગે પોલીસે અકસ્માત મોતની ફરિયાદ નોંધી હતી.