મહારાષ્ટ્રનાં નવાપુર શહેરમાં બે કપડાના વેપારીઓ ગ્રાહકના મામલે મારામારી કરતા હતા તે સમયે છોડાવવા પડેલ શખ્સને મારમારતાં એક વેપારી વિરૂદ્ધ ગુનો નોંધાયો હતો.

સુત્રો પાસેથી મળતી માહિતી મુજબ, નવાપુર શહેરનાં  મેઈન રસ્તા પર કપડાની દુકાનની સામે સાંજે વિરા દિનેશ ખિલવાની અને દુકાનનો માલિક મનોજ માધવદાસ ખિલવાની (રહે.સરદાર ચોક, નવાપુર)નાંએ દુકાનમાં ખરીદી કરવા આવેલા ગ્રાહકને લઈ ઝઘડો કરી રહ્યા હતા. તે દરમિયાન પ્રેમ ગાગનદાસ પંજવાણી (ઉ.વ.૪૦ રહે.જનતા પાર્ક ગલી,નવાપુર)નાંએ ઝઘડો છોડાવવા વચ્ચે પડયો હતો તેને મનોજ ખિલવાનીએ બોલાચાલી બાદ પ્રેમને હાથના પંજા પર લાકડીનો ફટકો મારી દેતાં ગંભીર ઈજા થઈ હતી સાથે પ્રેમના ભાઈને ગાળો કહી જાનથી મારી નાંખવાની ધમકી આપી હતી. બનાવ અંગે નવાપુર પોલીસ મથકમાં હુમલા કરનાર વેપારી વિરૂદ્ધ ફરિયાદ દાખલ કરવામાં આવી હતી.