મહુવા તાલુકાનાં મહુડી ગામેથી દીપડી પાંજરે પુરાઈ ગઈ હતી. મહુવા તાલુકાનાં મહુડી ગામે અવાર નવાર દીપડો આંટાફેરા મારી રહ્યો હતો. જે અંગે ગામના લોકોએ મહુવા વન વિભાગને જાણ કરી હતી જેને લઈને મહુવા વનવિભાગના આર.એફ.ઓ.ની સુચના મુજબ ફોરેસ્ટરના ઘરની પાછળના ભાગે પાંજરૂ મુકવામાં આવ્યું હતું અને તેમાં મારણ તરીકે મરઘી મુકવામાં આવી હતી. જોકે શનિવારે રાત્રીના સમયમાં મારણ ખાવાની લાલચમાં અંદાજીત ૨ વર્ષની દીપડી પાંજરામાં પુરાઈ ગઈ હતી. પાંજરે પુરાયેલી દીપડી તંદુરસ્ત અને સશક્ત છે, જેને સાંબા ગામે આવેલી નર્સરીમાં લઈ જવામાં આવી હતી તેને રાત્રીનાં અંધકારમાં ડી.એફ.ઓ સુરતની સુચના મુજબ ગાઢ જંગલમાં છોડી મુકવામાં આવી હતી.(ફાઈલ ફોટો)