નર્મદાનાં તિલકવાડા તાલુકાનાં ડાભેડ ગામમાં જમીન બાબતે ભાઇ બહેન વચ્ચે માથાકુટ થતા ભાઇએ બહેનને પાવડા વડે મારમારી ઇજા કરતા ફરિયાદ નોંધાઈ છે. મળતી માહિતી અનુસાર, કૈલાશબેન જેન્તીભાઈ તડવી (રહે.ગોરા કોલોની, તા.ગરુડેશ્વર, જી.નર્મદા)નાઓએ આપેલી ફરિયાદ મુજબ તેઓ પોતાના પીયર ડાભેડ ગામે અગાઉ એક બે દિવસ પહેલા જમીનનાં ભાગ માટે બોલાવતા ત્યાં ગયેલા જેથી તેમનો ભાઇ ઈશ્વરભાઈ જેન્તીભાઈ તડવી (રહે.ડાભેડ ગામ, તા.તિલકવાડા જિ.નર્મદા) નાઓ ગમેતેમ ગાળો બોલી ઝઘડો કરી મારી નાખવાની ધમકી આપી તેના હાથનો પાવડાનો હાથો સગી બેનને માથાના પાછળનાં ભાગે મારી ઈજા કરી જાનથી મારી નાંખવાની ધમકી આપતા તિલકવાડા પોલીસે ગુનો દાખલ કરી તપાસ હાથ ધરી છે.