વલસાડનાં રોલ ગામે રહેતા અને એક કન્સ્ટ્રક્શન કંપનીમાં એન્જિનિયર તરીકે ફરજ બજાવે છે. તેમણે ગત તારીખ ૨૩/૦૨/૨૫ નારોજ હાઇવે પથી રીક્ષાનાં ચાલક તેની રિક્ષા ગફલતભરી રીતે હંકારવા બાબતે ટકોર કરી હતી. જે બાબતથી ઉશ્કેરાયેલા ચાલક સહિતના ત્રણ ઈસમોએ ટકોર કરનાર ભાર્ગવનો કુંડી હાઇવે સુધી પીછો કરી ત્રણ પૈકીના એક ઈસમે ભાર્ગવના છાતીના ભાગે ચપ્પુ હુલાવી દીધું હતું.

બનાવ અંગે ડુંગરી પોલીસે આ ગુનામાં સંડોવાયેલા રિઝવાન રફીક હમીદ મેહરાબ શેખ (રહે.ખોલવડ), રિક્ષા ચાલક ઉંમર વાસિન શેખ (રહે.કોસંબા, તા.માંગરોળ) અને વિપુલ સોમા ગામીત (રહે.ખોલવડ)ની ધરપકડ કરી હતી. તારીખ ૨૫/૦૨/૨૫ નારોજ ગુંદલાવ હાઇવે પર પાર્ક કરાયેલા ટેમ્પોની કેબિનમાંથી ટેમ્પો ચાલક પ્રતીક બાલુભાઈ કોળપેના મોબાઈલ ફોનની ચોરી કરી હોવાની વિગત સામે આવી હતી. જેથી વલસાડ રૂરલ પોલીસે આરોપીઓની ચોરીના ગુનામાં ધરપકડ કરી હતી. રીઢા આરોપીઓ સામે લૂંટ, પાડ ચોરી અને દારૂની હેરફેર કરવા બાબતે સુરત અને વલસાડ જિલ્લામાં ૯થી વધુ ગુના નોંધાયા છે. આરોપીઓ આવોજન બદ્ધ રીતે ગુનો આચરતાની ટેવ ધરાવતા હોય રૂરલ પોલીસે આરોપીઓ સામે ઓર્ગેનાઈઝેડ ક્રાઈમ સિન્ડિકેટની કલમ મુજબ ગુનો નોંધી વધુ તપાસ હાથ ધરી હતી.