ડોલવણના આંબાપાણી ગામની સીમમાં આવેલ પૂર્ણા નદીના ચેકડેમ પાસે નદીના પાણીમાં કરચલા પકડતા આધેડનું ઉંડા પાણીમાં ડૂબી જવાથી મોત નિપજ્યું હોવાનો બનાવ ડોલવણ પોલીસ મથકે નોંધાયો છે.મળતી માહિતી મુજબ ડોલવણ તાલુકાના આમણીયા ગામના નિશાળ ફળીયામાં રહેતા ગીરીશભાઈ ઉનીયાભાઈ ગામીત (ઉ.વ.૫૫),તા.૧૨મી માર્ચ નારોજ  આંબાપાણી ગામની સીમમાં આવેલ પૂર્ણા નદીના ચેકડેમ પાસે કરચલા પકડતા હતા તે દરમિયાન આકસ્મિક રીતે નદીના ઉંડા પાણીમાં ડૂબી જવાથી ગીરીશભાઈ ગામીતનું મોત નિપજ્યું હતું. બનાવ અંગે મનહરભાઈ ગિરીશભાઇ ગામીતની ફરિયાદના આધારે ડોલવણ પોલીસે અકસ્માત મોત બનાવ દાખલ કરી નિયમોનુસારની કાર્યવાહી હાથ ધરી હતી.