સાપુતારા-માલેગામ રાષ્ટ્રીય ધોરીમાર્ગના રેસ્ટહાઉસ પાસેના વળાંકમાં અકસ્માતો થતા જ રહે છે જેથી વાહન ચાલકોમાં ભયની લાગણી ફેલાઇ જવા પામી છે.

સુત્રો પાસેથી મળતી માહિતી અનુસાર, સાપુતારા-માલેગામ રાષ્ટ્રીય ધોરીમાર્ગના ફોરેસ્ટ રેસ્ટ હાઉસ પાસે અકસ્માતની ઘટના બનતી જ રહે છે. ગતરોજ નાસિકથી સૂકા નારિયેળ ભરી રાજસ્થાન જઈ રહેલો ટાટા ટેમ્પો નંબર આરજે/19/સીસી/3317ના ચાલકે એકાએક સ્ટેયરિંગ પરનો કાબૂ ગુમાવી દેતા ટેમ્પો રસ્તાની સાઇડે સંરક્ષણ દીવાલ સાથે અથડાઈ પલટી મારી ગયો હતો, જેમાં ચાલક ક્લીનરને નજીવી ઇજાઓ થઈ હતી તેમજ  ટેમ્પોમાં મુકેલ માલ-સામાન વેરવિખેર થઈ જતા નુકસાન થયું હતું.