ડાંગ જિલ્લાનાં કોદમાળ ગામ નજીક બે બાઇક સામસામે ભટકાતા અકસ્માત સર્જાયો હતો. જોકે આ અકસ્માતમાં એક બાઇક સવારનું શરીરનાં ભાગે ગંભીર ઈજાઓ થતાં ઘટના સ્થળે જ કમકમાટી ભર્યુ મોત નિપજ્યું હતું. સુત્રો પાસેથી મળતી માહિતી મુજબ, ડાંગનાં કરાડીઆંબા ગામે રહેતો યુવક જયેશ અર્જુન ગાયકવાડ આહવા ખાતે બ્લુડાર્ટ કુરિયર કંપનીમાં કુરિયર ડિલિવરી બોય તરીકે ફરજ બજાવતો હતો. તે સાંજે આહવાથી ઘર તરફ જતાં સમયે કોદમાળ ગામ નજીક સામેથી પૂરઝડપે આવતી બાઈકે જયેશભાઈની ગાડીને ભટકાવી દેતા ગમખ્વાર અકસ્માત સર્જાયો હતો. જેમાં જયેશભાઈનું ઘટના સ્થળે જ મૃત્યુ થયું હતું. જયારે અકસ્માત સર્જનાર અજિત રામદાસ પવાર નશાની હાલતમાં હતો. તેને પણ અક્સ્માતમાં નાની-મોટી ઈજાઓ થતાં હાલ આહવા સિવિલ હોસ્પિટલ ખાતે સારવાર અર્થે ખસેડાયો છે.