સુરત શહેરમાં ઉત્તર-પૂર્વીય ઠંડા પવન સક્રિય થતાં રાત્રીનાં તાપમાનમાં 2.50 ડિગ્રીનો ઘટાડો થઇને ગતરોજ 18 ડિગ્રી નોંધાતા શહેરીજનોને ઠંડીનો અહેસાસ થયો હતો. જોકે હવામાન કચેરીના પ્રવકતાના જણાવ્યા મુજબ, ગતરોજ સુરતનું અધિકત્તમ તાપમાન 31.1 ડિગ્રી, લઘુત્તમ તાપમાન 18 ડિગ્રી, હવામાં ભેજનું પ્રમાણ 28 ટકા, હવાનું દબાણ 1011.4 મિલીબાર અને ઉત્તર-પૂર્વ દિશામાંથી કલાકના 5 કિ.મીની ઝડપે પવન ફુંકાયા હતા. જોકે રાત્રીનું તાપમાન 20.6 ડિગ્રી નોંધાયુ હતુ અને આજે 2.50 ડિગ્રી તાપમાન ગગડીને 18 ડિગ્રી નોંધાતા શહેરીજનોએ રાત્રીના અને વહેલી સવારે ઠંડીમાં ઠુઠવાયા હતા.