મનિષા એસ. સુર્યવંશી/તાપી : ડાંગ જિલ્લાના સુબીર તાલુકાના જારસોળ ગામના સુનીલભાઈ અનાજ્યાભાઈ પવાર જેઓ મજુરી કામ કરી પોતાનું તથા પરિવારનું ગુજરાન ચલાવે છે. જોકે ગત તારીખ ૨૪-૦૧-૨૦૨૫ નારોજ સાંજના સમયે બોરખડી ગામની સીમમાંથી શેરડી કાપી પરત આવી પત્ની અને ભાભી સાથે પડાવ આવતાં હતા ત્યારે  ટ્રેક્ટરમાંથી પત્ની સમાન ઉતારતી  હતી તે સમયે ૬ વર્ષીય બાળક રોડ પર હતો અને તે દરમિયાન કહેર તરફથી આવતી એક ફોરવ્હીલની અડફેટે આવતાં ૬ વર્ષીય માસુમ બાળક સુમિતનું ગંભીર ઈજાને કારણે મોત નિપજ્યું હતું. બનાવ અંગે પોલીસે ગુન્હો નોંધી કાર્યવાહી હાથ ધરી હતી.

મળતી માહિતી મુજબ, વ્યારાના બોરખડી ગામના નવી વસાહત ફળિયામા કહેરથી બાજીપુરા જતાં રોડ ઉપર તારીખ ૨૪-૦૧-૨૦૨૫ નારોજ એક ફોર વ્હીલ ગાડી નંબર જીજે-૨૬-એન-૩૧૫૧ના ચાલકે પોતાના કબ્જાની ગાડી પુરઝડપે અને ગફલતભરી રીતે હંકારી લાવી સુનીલભાઈ અનાજ્યાભાઈ પવારનો ૬ વર્ષીય માસુમ બાળકને અડફેટે લઈ અકસ્માત સર્જાયો હતો જયારે અકસ્માતમાં બાળકને માથા ભાગે તથા શરીરે નાની મોટી ગંભીર ઈજા ઈજા પહોંચતા સારવાર દરમિયાન મોત નિપજ્યું હતું. ઘટના અંગે સુનીલભાઈ પવારનાએ તારીખ ૦૨-૦૨-૨૦૨૫ નારોજ અજાણ્યા વાહન ચાલક સામે વ્યારા પોલીસ મથકે ફરિયાદ નોંધાવતા પોલીસે આગળની કાર્યવાહી હાથ ધરવામાં આવી હતી.