બારડોલી નગરનાં આવેલ સુરતી પાર્ક વિસ્તારનાં આલીશાન બિલ્ડીંગના ચોથા માળે ફ્લેટ નંબર સી-404માં રહેતા અઝીઝ રેહમાન ઝહૂર અહમદ અન્સારી (ઉ.વ.27) જે છૂટક ડ્રાઇવિંગ કરી પરિવારનું ગુજરાન ચલાવે છે અને જેઓ ગતરોજ ઘરે હાજર હતા. તે સમયે તેમની ગેલેરીમાંથી પાણી નીચે પડ્યું હોય જેથી નીચે ભંગારની દુકાન ચલાવતા નિશાર નિઝામ મુલ્તાની (રહે.સુરતીપાર્ક,સોસાયટી મકકી મસ્જિદની પાછળ) જે જોરજોરથી ગાળો બોલી રહ્યા હતા.

જોકે અઝીદ તેમને સમજાવવા ગયો હતો તેમ છતાં નિશાર અપશબ્દો બોલી ઝગડો શરૂ કર્યો હતો અને કહેવા લાગ્યો હતો કે, તું શું કરી લેવાનો તેમ કહી અઝીઝને ધક્કો મારી દીધો હતો અને તે સમયે તેનો સાળો તલ્હા સૈયદ શેખ તે પણ ત્યાં દોડી આવ્યો હતો અને ઢીક મુક્કીનો માર મારવા લાગ્યો હતો અને નિશાર એકદમ ઉશ્કેરાય જઇ લોખંડના પાઇપ વડે અઝીઝને માથાના ભાગે ફટકો મારી ઇજા પહોંચાડી જાનથી મારી નાંખવાની ધમકી આપી હતી. ઇજાગ્રસ્ત અઝીઝને સારવાર માટે બારડોલીની સરદાર હોસ્પિટલમાં ખસેડવામાં આવ્યો હતો. બનાવ અંગે બારડોલી પોલીસે સાળા બનેવી વિરુદ્ધ ગુનો નોંધી આગળની કાર્યવાહી હાથ ધરી છે.