નવસારી જિલ્લાના હાઇવે પાસે આવેલા ઉન પાટીયા ગામ પાસે વહેલી સવારે 8 વર્ષનો એક દિપડો હાઇવે ઓળંગતા સમયે ટ્રક સાથે તેની ટક્કર થતા માથાના ભાગે તેને ગંભીર ઈજા પહોંચતા તે ઘટના સ્થળે મોતને ભેટ્યો હતો. વાહન ચાલકોએ મૃત દીપડાને જોતા તાત્કાલિક વન વિભાગને જાણ કરવામાં આવી હતી. સામાજિક વનીકરણ વિભાગ નવસારી સુપા રેન્જ દીપડાની લાશનો કબજો લઈ PMની તજવીજ હાથ ધરી હતી. નવસારી જિલ્લાના પૂર્વ પટ્ટીના ગામોમાં મોટી સંખ્યામાં રાત્રિના સમયે દિપડો દેખાવાની ઘટના બની છે ત્યારે ફરી વાર પૂર્વ પટ્ટીમાંથી પશ્ચિમ તરફ જતા દીપડાને અકસ્માત નડતા તે મોતને ભેટ્યો છે.