ગુજરાતના મુખ્યમંત્રી વિજયભાઇ રૂપાણીએ એશિયન ગેઇમ્સમાં રિલે દોડમાં ગોલ્ડ મેડલ મેળવી ગુજરાતનું ગૌરવ વધારનારી ડાંગ જિલ્લાની વનબંધુ કન્યા  સરિતા ગાયકવાડને ખેલ પ્રતિભા પુરસ્કાર અંતર્ગત રૂ.૧ કરોડ આપવાની જાહેરાત કરી છે.તેમણે સરિતા ગાયકવાડને અભિનંદન પાઠવતા કહ્યું કે,પ્રધાનમંત્રી શ્રી નરેન્દ્રભાઇ મોદીએ ગુજરાતમાં શરૂ કરાવેલા ખેલમહાકુંભને પરિણામે આવા હોનહાર ખેલાડીઓને વૈશ્વિક રમતોમાં ગુજરાત અને ભારતની શ્રેષ્ઠતા ઝળકાવવાની તક સાંપડી છે.