તાપીમિત્ર ન્યુઝ,આહવાઃડાંગની દિકરી એવી ગૉલ્ડન ગર્લ કુ.સરીતા ગાયકવાડે ચેક રીપબ્લિક ખાતે આયોજિત ગ્રાન્ડ પ્રિક્સ એથ્લેટિક્સ કોમ્પિટિશનમાં ૪૦૦ મીટર વિધ્નદોડમાં ભારતનું પ્રતિનિધિત્વ કરતા,તેની કારકિર્દીનો બેસ્ટ ટાઇમ ૫૭.૭૧ સેકન્ડ હાંસલ કરી,ભારતને સ્વર્ણ પદક અપાવવામાં સફળતા મેળવી છે. એક ટેલિફોનિક મુલાકાતમાં જણાવ્યા અનુસાર કુ.સરીતા ગાયકવાડ હાલમાં યુરોપ (પોલેન્ડ) ખાતે એશિયન ગેમ્સની સધન તાલીમ લઇ રહી છે.જ્યાંથી ચેક રીપબ્લિક ખાતે આયોજિત ટુર્નામેન્ટમાં ભાગ લઇ,તેણીએ વધુ એક સિદ્ધિ હાંસલ કરી ભારતને ગૌરવ અપાવ્યું છે.ગૉલ્ડન ગર્લ કુ.સરીતા ગાયકવાડ આગામી માસમાં ઇન્ડોનેશિયા ખાતે આયોજિત એશિયન ગેમ્સમાં ભારતનું પ્રતિનિધિત્વ કરશે.