તાપીમિત્ર ન્યુઝ,આહવા:ડાંગ જિલ્લાના પ્રવેશ દ્વાર એવા નવરચિત વધઇ તાલુકા મથકે આવેલા તાલુકા સેવા સદનના પટાંગણમાં,તાજેતરમાં તાલુકા ન્યાયાલયના ન્યાયાધિશ શ્રી ઉત્પલ જામ્બુ તથા વધઇ તાલુકાના મામલતદાર ડી.કે.વસાવા સહિતના ઉચ્ચાધિકારીઓ દ્વારા વૃક્ષારોપણ કરાયુ હતું.વધઇના પરિક્ષેત્ર વન અધિકારી હિતેન્દ્રસિંહ વાધેલા તથા વન વિભાગની ટીમની ઉપસ્થિતિ વચ્ચે યોજાયેલા આ વૃક્ષારોપણ કાર્યક્રમમાં ન્યાયાધિશશ્રીની સાથે મામલતદાર અને ન્યાયપાલિકાના કર્મયોગીઓ,વકીલો, મહેસૂલી કર્મયોગીઓ,વનકર્મીઓ વિગેરે બાળવૃક્ષોનું વાવેતર કરી,વૃક્ષા વાવેતરનો સંદેશો વહેતો કર્યો હતો