તાપીમિત્ર ન્યુઝ,સોનગઢ:સોનગઢ આરટીઓ ચેકપોસ્ટ પાસેથી વિદેશીદારૂ ઝડપી પડવાની ઘટના સામાન્ય બની છે.ત્યારે આજરોજ તા.15મી જુને સવારે ૭:૦૦ કલાકના અરસામાં વિદેશદારૂનો જથ્થા સાથે ઈનોવા કાર ઝડપી પાડવામાં સ્ટેટ મોનીટરીંગ સેલ-ગાંધીનગરની ટીમને ભારે સફળતા મળી છે.જોકે આરોપીઓ ભાગવામાં સફળ રહ્યા હતા.આ બનાવમાં પાયલોટીંગ કરતી એક સફેદ કલરની સ્કોર્પીઓ ગાડીના ચાલક સહિત પાંચ લોકોને પોલીસ ચોપડે વોન્ટેડ જાહેર કરવામાં આવ્યા છે. સોનગઢ આરટીઓ ચેકપોસ્ટ પાસે તા.15મી જુન નારોજ,સ્ટેટ મોનીટરીંગ સેલ ગાંધીનગરની ટીમને મળેલ બાતમીના આધારે સવારે વોચ ગોઠવી હતી.તે સમય દરમિયાન એક ઈનોવા કાર નંબર GJ-05-JB-3936 ને નાકાબંદી કરી રોકવાનો પ્રયાસ કર્યો હતો.જેના કારણે ઈનોવા કાર ચાલકે ગાડી રીવર્સ લઇ ભાગવાનો પ્રયાસ કરતા સફળતા ના મળતા દારૂ ભરેલી ગાડી મૂકી નાસી છુટ્યા હતા.ગાડીમાં તપાસ કરતા વિદેશીદારૂનો જથ્થો બોક્સ નંગ-69 કીં.રૂ.1,95,600/-નો દારૂ મળી આવ્યો હતો.ઈનોવા કાર સહિત કુલ રૂ.11,95,600/-નો મુદ્દામાલ જપ્ત કરવામાં આવ્યો હતો.જયારે દારૂ ભરેલી ઈનોવા ગાડી મૂકી નાસી જનાર બે ઈસમો અને દારૂ ભરાવી આપનાર પીન્ટુ ઉર્ફે ગૌરખ ભીમરાવ ગડરી રહે,દેવળફળિયું,નવાપુર(મહારાષ્ટ્ર) અને દારૂ વહન કરનાર દીપક ઉર્ફે દીપક કાલ્યો રહે,નવસારી તેમજ પાયલોટીંગ કરતી એક સફેદ કલરની સ્કોર્પીઓ ગાડીના ચાલકને પોલીસ ચોપડે વોન્ટેડ જાહેર કરવામાં આવ્યો છે.   High light:tapimitra.com અને તાપી જિલ્લાનું એકમાત્ર નિડર અને નિષ્પક્ષ સત્યને ઉજાગર કરતું તાપીમિત્ર સાપ્તાહિક અખબારના બ્રોડકાસ્ટિંગ ગૃપ માં જોડાવા માટે 7820092500 નંબર પર આપનું અને આપના ગામના નામ સાથે NEWS લખી મોકલો.જેમાં આપને જાણવા મળશે મહત્વના દરેક અપડેટ્સ અને માત્ર અને માત્ર સમાચારો......