Tapi mitra News-લોકડાઉન વચ્ચે પણ ગૌવંશની હેરાફેરી કરી રહેલ એક ટેમ્પો ચાલકને વાલોડ પોલીસે ઝડપી પાડી ટેમ્પોમાં ઘાતકી રીતે બાંધેલ બે ગાય, એક વાછરડુ મળી કુલ ત્રણ પશુઓને બચાવી લીધા છે. મળતી માહિતી અનુસાર તાપી જિલ્લામાં વાલોડ પોલીસ મથકના જવાનોએ વાલોડ ટાઉનમાં આવેલ તય્યબા પાર્કના રસ્તા પરથી તા.૯મી મે નારોજ રાત્રે ૧૧:૦૦ કલાકના અરસામાં પસાર થતો છોટા હાથી ટેમ્પો નંબર જીજે/૧૯/વી/૨૫૮૧ માં તપાસ કરી હતી જેમાં બે ગાય અને વાછરડુ મળી કુલ ત્રણ પશુઓ ક્રૂરતા પૂર્વક ભરેલા હતા. ટેમ્પોમાં કોઈ પણ પ્રકારની ઘાસ કે પાણીની વ્યવસ્થા કરવામાં આવી ન હતી.પશુઓ હલન ચલન નહિ કરી શકે તે રીતે ખીચોખીચ ભરી ટૂંકી દોરીથી બાંધવામાં આવ્યા હતા. ઘાતકી રીતે પશુઓની હેરાફેરી કરતા તારીક યુસુફ પટેલ રહે,ગેસ કંપની પાછળ-વાલોડ જી.તાપી ની ધરપકડ કરી તેની પાસેથી ૧,૫૦,૦૦૦/- ની કિમતનો ટેમ્પો, પશુઓની કિમત રૂ.૩૯,૦૦૦/- તેમજ મોબાઇલ ફોનની કિંમત રૂ.૬,૦૦૦/- મળી કુલ ૧,૯૫,૦૦૦/નો મુદ્દામાલ કબ્જે કર્યો હતો.બનાવ અંગે વાલોડ પોલીસે હેડકોન્સ્ટેબલ ધર્મેશભાઈ ઉમેશભાઈ નાઓની ફરિયાદને આધારે ગુનો નોંધી આગળની તપાસ હાથ ધરી છે.