તાપીમિત્ર ન્યુઝ,સુરત:માનદરવાજાના ખ્વાજાનગર ખાડી પાસેથી મોપેડ ઉપર પતિ સાથે જઈ રહેલી મહિલાના ગળામાં બાઈકર્સ ગેંગે ઝાપટ મારી રૂ.૪૦ હજારની કિંમતની સોનાની ચેઈન આંચકી ધૂમ સ્ટાઈલે ફરાર થઈ ગયા હોવાનો બનાવ ­કાશમાં આવ્યો છે.પરવટ પાટીયાના ડુંભાલ ખાતે આવેલ ગોકુલધામ એપાર્ટમેન્ટમાં પરેશભાઈ યાદવ પરિવાર સાથે રહે છે અને નોકરી કરી પરિવારનું ગુજરાન ચલાવે છે. ૮મી ડિસેમ્બરની રાત્રિના સુમારે પરેશભાઈ પોતાની પત્ની સુનિતાબેન સાથે મોપેડ ઉપર માનદરવાજાના ખ્વાજાનગર ખાડી બ્રિજ પાસેથી પસાર થઈ રહ્યા હતા. તે દરમિયાન પાછળથી એક બાઈક ઉપર આવેલા બે ઈસમો પૈકી એકે સુનિતાબેનના ગળામાં ઝાપટ મારી રૂ.૪૦ હજારની કિંમતની સોનાની ચેઈનની લૂંટ ચલાવી નાસી છૂટ્યા હતા. બનાવ સંદર્ભે સુનિતાબેનની ફરિયાદના આધારે સલાબતપુરા પોલીસે લૂંટનો ગુનો નોંધી વધુ તપાસ હાથ ધરી છે.