તાપીમિત્ર ન્યુઝ,સુરત:ઉધનાના છત્રપતિ સિવાજી સર્કલ પાસેથી પતિ સાથે બાઈક ઉપર જઈ રહેલી મહિલાના ગળામાં બાઈકર્સ ગેંગે ઝાપટ મારી રૂ.૨૪ હજારની કિંમતની સોનાની ચેઈનની લૂંટ ચલાવી નાસી છૂટ્યા હોવાનો બનાવ પોલીસ ચોપડે નોંધાયો છે.ઉધનાના હરિનગર - ૩ ખાતે આવેલ શક્તિનગરના ક્રિષ્ના એપાર્ટમેન્ટમાં સુરેશભાઈ કાપડિયા પરિવાર સાથે રહે છે અને નોકરી કરી પરિવારનું ગુજરાન ચલાવે છે. ૧૦મી ડિસેમ્બરની રાત્રિના સુમારે સુરેશભાઈ પોતાની પત્ની સાવિત્રી બેન સાથે ઉધનાના છત્રપતિ શિવાજી સર્કલ પાસેથી પસાર થઈ રહ્યા હતા. તે દરમિયાન પાછળથી એક બાઈક ઉપર આવેલા બે ઈસમો પૈકી એકે સાવિત્રીબેનના ગળામાં ઝાપટ મારી રૂ. ૨૪ હજારની કિંમતની સોનાની ચેઈનની લૂંટ ચલાવી નાસી છૂટ્યા હતા. બનાવ સંદર્ભે સાવિત્રીબેનની ફરિયાદના આધારે ઉધના પોલીસે લૂંટનો ગુનો નોંધી વધુ તપાસ હાથ ધરી છે.