તાપીમિત્ર ન્યુઝ,સુરત:સલાબતપુરાના ભાઠેના ઓવરબ્રિજ ઉપરથી પતિ સાથે બાઈક ઉપર જઈ રહેલી મહિલાના ગળામાં બાકઈર્સ ગેંગે ઝાપટ મારી રૂ.૪૫ હજારની સોનાની ચેઈન આંચકી ધૂમ સ્ટાઈલે ફરાર થઈ ગયા હોવાનો બનાવ પોલીસ ચોપડે નોંધાયો છે.પાંડેસરાના પિયુષ પોઈન્ટ ખાતે આવેલ સ્વસ્તિક એપાર્ટમેન્ટમાં પંકજ કડિયા પરિવાર સાથે રહે છે અને નોકરી કરી પરિવારનું ગુજરાન ચલાવે છે. ૫મી ડિસેમ્બરની સાંજે પંકજભાઈ પોતાની પત્ની ઈલાબેન સાથે સલાબતપુરાના ભાઠેના ઓવરબ્રિજ ઉપરથી બાઈક લઈને પસાર થઈ રહ્યા હતા. તે દરમિયાન પાછળથી એક બાઈક ઉપર આવેલા બે ઈસમો પૈકી એકે ઈલાબેનના ગળામાં ઝાપટ મારી રૂ.૪૫ હજારની કિંમતની સોનાની ચેઈનની લૂંટ ચલાવી નાસી છૂટ્યા હતા. બનાવ સંદર્ભે ઈલાબેનની ફરિયાદના આધારે સલાબતપુરા પોલીસે લૂંટનો ગુનો નોંધી વધુ તપાસ હાથ ધરી છે.