તાપીમિત્ર ન્યુઝ,સુરત:પુણાગામની ઈન્ટરસિટી પાસેથી પસાર થઈ રહેલા એક આધેડના ગળામાં બાઈકર્સ ગેંગે ઝાપટ મારી રૂ.૪૫ હજારની કિંમતની સોનાની ચેઈનની લૂંટ ચલાવી નાસી છૂ્ટ્યા હોવાનો બનાવ પોલીસ ચોપડે નોંધાયો છે.પુણાગામના ભૈયાનગર ખાતે આવેલ વિષ્ણુનગર સોસાયટીમાં હરેશકુમાર કણવાલા પરિવાર સાથે રહે છે અને નોકરી કરી પરિવારનું ગુજરાન ચલાવે છે. ૨૮મી ઓકટોબરની રાત્રિના સુમારે હરેશભાઈ પોતાની બાઈક લઈને પુણાગામની ઈન્ટરસીટી પાસે આવેલ ભારત પેટ્રોલ પંપ પાસેથી પસાર થઈ રહ્યા હતા. તે દરમિયાન પાછળથી એક બાઈક ઉપર આવેલા બે ઈસમો પૈકી એકે હરેશભાઈના ગળામાં ઝાપટ મારી રૂ.૪૫ હજારની કિંમતની સોનાની ચેઈનની લૂંટ ચલાવી નાસી છૂટ્યા હતા. બનાવ સંદર્ભે હરેશભાઈની ફરિયાદના આધારે પુણા પોલીસે લૂંટનો ગુનો નોંધી વધુ તપાસ હાથ ધરી છે.