સુરત શહેરના કતારગામ જીઆઈડીસી વિસ્તારમાં આવેલા એમ્બ્રોઈડરી કારખાનામાં સર્જાયેલા અકસ્માતમાં કારીગરનું મોત નીપજ્યું હતું. જેમાં એમ્બ્રોઈડરી મશીનમાં ફસાઈ જતા કારીગરની ગંભીર ઈજાને પગલે મોત નિપજ્યું હતું.

મૂળ બિહારના વતની અને હાલ કતારગામ વિસ્તારમાં આવેલા એમ્બ્રોઈડરી કારખાનામાં કામ કરતો અને ત્યાં જ રહેતો પરવેઝ આલમ મો. કુદુસ અંસારી (ઉ.વ.૨૫) શનિવારે કામ કરી રહ્યો હતો ત્યારે અકસ્માત સર્જાયો હતો. જેમાં એમ્બ્રોઈડરી મશીનમાં આવી જતા અન્ય કારીગરો દોડી આવ્યા હતા. સમગ્ર મામલે ફાયરબ્રિગેડને જાણ કરવામાં આવી હતી. ફાયર વિભાગની ટીમ દ્વારા પરવેઝને વિવિધ સાધનોનો ઉપયોગ કરી કાઢવામાં આવ્યો હતો. ઘટનાને પગલે પરવેઝને ગંભીર ઈજાને પગલે તાત્કાલિક ૧૦૮ મારફતે સારવાર માટે સ્મીમેર હોસ્પિટલ ખસેડયો હતો. જ્યાં તેનું મોત નીપજ્યું હતુ.