વ્યારા નગરના આર્જવ એન્કલવમાં રહેતા અનિલભાઈ હસમુખભાઈ ચૌધરીની 17 વર્ષીય પુત્રી જે સાઉથ કોરિયા ખાતે અભ્યાસ અર્થે જવાનું કહેતી હોય પરંતુ તેણીના પિતાએ ઉંમર નાની હોય અમદાવાદ ખાતે જ અભ્યાસ કરવા કીધું હતું અને 18 વર્ષની ઉંમર થઈ જશે પછી પાસપોર્ટ કઢાવી ભણવા માટે જઈ શકે છે તેમ કહ્યું હતું. પરંતુ આ બાબતે યુવતીને મનમાં ખોટું લાગી આવતા તેને બુધવારના રોજ બપોરના સમય દરમિયાન ઘરના પ્રથમ માળે જઈ રૂમમાં આવેલ લોખંડની એંગલ સાથે દોરડું બાંધી ગળે ફાંસો ખાઈ જીવન ટુંકાવ્યું હતું. બનાવ અંગે યુવતીની મોટી બહેનની ફરિયાદના આધારે વ્યારા પોલીસે અકસ્માત મોતનો ગુનો નોંધી કાર્યવાહી હાથ ધરી હતી.