'RRR' ફિલ્મમાં વિલન બ્રિટિશ ગર્વનરની ભૂમિકા ભજવનારા આઈરિશ અભિનેતા રે  સ્ટીવેન્સનનું 58 વર્ષની વયે નિધન થઇ ગયું છે. જોકે તેમના મૃત્યુનાં કારણની માહિતી જાણવા મળી નથી. એસએસ રાજામૌલી સહિત 'RRR'ની ટીમે રે સ્ટીવેન્સને શ્રદ્ધાંજલિ આપી હતી. સ્ટીવેન્સને માર્વેલની 'થોર'  ફ્રેન્ચાઇઝીમાં તથા 'વાઇસકિંગ્સ'માં ભૂમિકાઓ ભજવીન પ્રસિદ્ધિ મેળવી હતી.

મૂળ આયરલેન્ડનાં લિસ્બનમાં જન્મેલા સ્ટિવન્સને ટીવી સિરિયલોથી કારકિર્દી શરૂ કરી હતી. બાદમાં તેઓ ફિલ્મો તરફ વળ્યા હતા. રાજામૌલીએ 'RRR'નાં શૂટિંગ વખતનાં સંસ્મરણો યાદ કરતાં જણાવ્યું હતું કે સેટ પર તેમની હાજરી માત્રથી સમગ્ર વાતાવરણ ચેતનવંતુ બની જતું હતું. તેમની સાથે કામ કરવાની ખરેખર બહુ મજા પડી હતી. 'RRR'નાં શૂટિંગ વખતે તેઓ 52 વર્ષનાં હતા છતાં પણ તેમણે પોતાનાં સ્ટન્ટ દૃશ્યો જાતે ભજવ્યાં હતાં.