સુરેન્દ્રનગરના આમોદ નજીક એક્સપ્રેસ હાઇવે પર ત્રિપલ માર્ગ અકસ્માતની ઘટના બનતા આ અકસ્માતમાં બે લોકોના મોત થયા છે. અકસ્માતની જાણ થતાં પોલીસ સહિતનો કાફલો ઘટના સ્થળે પહોંચી ગયો હતો અને કાયદેસરની કાર્યવાહી હાથ ધરી હતી. મળતી માહિતી અનુસાર, આમોદ નજીક એક્સપ્રેસ હાઇવે પર બે કાર અને પીકઅપ ટેમ્પો વચ્ચે ત્રિપલ અકસ્માતની ઘટના સર્જાઇ હતી જેમાં  સુરેન્દ્રનગરનો પરિવાર ભરૂચ તરફ આવી રહ્યો હોવાનું જાણવા મળ્યું છે. આ અકસ્માતમાં બે લોકોના મોત થયા હતા. જયારે અકસ્માત એટલો ભયંકર હતો કે, બંને વાહનોનો તો ભુક્કો જ બોલાય ગયો હતો.