વલસાડ જિલ્લાનાં ભીલાડ પોલીસે બાતમીના આધારે સરીગામ પાગીપાડામાં આવેલી વિરાજ ઇન્ડસ્ટ્રીઝ કંપનીની પાછળના ખુલ્લા મેદાનમાં દરોડો પાડયો હતો. આ સમયે અહીં ગોળ કુંડાળું વળી પૈસા પાનાનો હારજીતનો જુગાર રમતા ત્રણ જુગારીને રંગે હાથ ઝડપી લેવામાં પોલીસે કરીમ શેખ, અંજય ભગત અને નસિ ખાન (બધા રહે.સરીગામ)ને પકડી દાવના રોકડા રૂ.૨,૦૩૦ તેમજ અંગઝડતીમાં મળેલા રૂ.૮,૭૪૦ મળી કુલ રૂ.૧૦,૭૭૦ તથા ગંજીપાના કબજે કર્યા હતા. બનાવ અંગે ભીલાડ પોલીસ દ્વારા ત્રણેય આરોપી સામે કાયદેસર કાર્યવાહી હાથ ધરવામાં આવી હતી.