રાજ્યમાં વિધાનસભા ચૂંટણી દરમિયાન રાજ્યમાં 182 આદર્શ મતદાન કેન્દ્રો બનાવવામાં આવશે. તમામ મતદાન મથકોને શણગારવામાં આવશે. દરેક વિધાનસભા મતવિસ્તારમાં ઓછામાં ઓછું એક મતદાન મથક 'આદર્શ મતદાન કેન્દ્ર' તરીકે સ્થાપિત કરવામાં આવશે જેથી કરીને વિધાનસભાની સામાન્ય ચૂંટણી દરમિયાન મતદારોને શ્રેષ્ઠ સુવિધાઓ અને સરળ ચૂંટણી પ્રક્રિયાનો અનુભવ મળી શકે. રાજ્યમાં 182 આદર્શ મતદાન મથકો બનાવવામાં આવશે. આ મતદાન મથકોને યોગ્ય રીતે સુશોભિત કરવામાં આવશે.

આ પેહલા 51,782 મતદાન મથકો હતા જ્યાં મતદારોની સંખ્યા 1,500થી વધુ વધ્યા છે. આ વધારાના મતદાન મથકો ઉભા કરવાની પ્રક્રિયા ચાલી રહી છે. ગ્રામીણ વિસ્તારોમાં, 23,154 મતદાન મથકોમાં 34,276 મતદાન મથકો હશે જ્યારે શહેરી વિસ્તારોમાં 6,212 મતદાન મથકોની અંદર 17,506 મતદાન મથકો ઉપલબ્ધ કરવામાં આવશે. તમામ મતદાન મથકોની ચકાસણી કરવામાં આવી છે અને તમામ મતદાન મથકો ગ્રાઉન્ડ ફ્લોર પર આવેલા છે.

ચૂંટણી પંચે વૃદ્ધો,વિકલાંગ,સગર્ભા સ્ત્રીઓ અથવા સગર્ભા માતાઓને મતદાન માટે આભાર પત્રો મોકલવા પણ વિનંતી કરી છે.ચૂંટણી પ્રક્રિયામાં મહિલાઓને સશક્ત બનાવવાના હેતુથી, ચૂંટણી પ્રક્રિયામાં મહિલાઓની ભાગીદારી સુનિશ્ચિત કરવા માટે મહત્વનો નિર્ણય લેવાયો છે. જેમાં ગુજરાતમાં વિધાનસભા મતવિસ્તાર દીઠ ઓછામાં ઓછા સાત મતદાન મથકો મહિલાઓ દ્વારા સંચાલિત હશે. જે 'સખી મતદાન કેન્દ્રો' તરીકે સ્થાપિત કરવામાં આવશે. ગુજરાતમાં આવા 1,274 સખી મતદાન મથકો પર મહિલા અધિકારીઓ પ્રિસાઇડિંગ ઓફિસર તેમજ પોલિંગ ઓફિસર વગેરે તરીકે કામ કરશે.