વ્યારાના તાડકુવા ગામની સીમમાં આવેલ તુલસી ગેસ્ટ હાઉસના રૂમમાં 24 વર્ષીય યુવકે આપઘાત કર્યો હોવાનો બનાવ કાકરાપાર પોલીસ મથકે દાખલ થયો છે,

 

 

 

 

 

પોલીસ સુત્રો પાસેથી પ્રાપ્ત માહિતી મુજબ મહારાષ્ટ્ર રાજ્યના જી.થાણે વિરાર પૂર્વે, ગિરજા ટાવર ફૂલપાડા રોડ, રાજ ડેરીની પાસે Bબી/206માં રહેતા મહેશભાઈ સુનીલભાઈ ગાવિત (ઉ.વ.24) નાનો પોતાના ગામ ખાતે કોઈને કાંઈ પણ કહ્યા વગર પોતાની ફોર વ્હીલ ગાડી લઈને શુક્રવારના રોજ વહેલી સવારે વ્યારાના તાડકુવા ગામની સીમમાં આવેલ તુલસી ગેસ્ટ હાઉસના રૂમ નંબર-211 માં રોકાણ કર્યું હતું,જોકે પોતાની જાતે રૂમના પંખા સાથે સફેદ ચાદર બાંધી બીજા છેડાનો ગાળિયો કરી બેડ ઉપર પ્લાસ્ટીકની ખુરસી મૂકી પોતાની જાતે કોઈ અગમ્ય કારણોસર ગળે ફાંસો ખાઈ આત્મહત્યા કરી હતી,

 

 

 

 

બનાવ અગેની જાણ પોલીસને થતા તુલસી ગેસ્ટ હાઉસ પર દોડી આવી તપાસ શરુ કરી હતી, આ મામલે કાકરાપાર પોલીસે સુનીલભાઈ કિશોરભાઈ ગાવિત નાઓની ફરિયાદના આધારે અકસ્માત મોત બનાવ દાખલ કરી આગળની વધુ તપાસ હાથ ધરી છે.