બારડોલીનાં ગાંધી રોડ ઉપર આવેલ ટ્વિન ટાવર શોપિંગ સેન્ટરમાં આવેલી પંઢરપુરી ચા’ની દુકાન પાસે પોલીસે રેડ કરી જાહેરમાં આંકડાનો જુગાર રમાડતા સમીર મુસાની ધરપકડ કરી હતી અને એકને વોન્ટેડ જાહેર કર્યો હતો. સુત્રો પાસેથી મળતી માહિતી મુજબ, બારડોલી ટાઉન પોલીસ દ્વારા લીનીયર એસ.ટી. ડેપો પાસેના ટ્વિન ટાવર શોપિંગ સેન્ટરમાં આવેલ પંઢરપુરીની દુકાનમાં વરલી મટકાનો આંકડાનો જુગારનો અડ્ડો ગંગાધરનો ફારુખ કુરેશી ચલાવી રહ્યો છે આંકડો લખવાનું કામ સમીર મુસા પટેલ (રહે.બારડોલી, રાજીવનગર) કરી રહ્યો હોવાની બાતમી ટાઉન પોલીસને મળતા સ્થળ પર રેડ કરી હતી. જોકે પોલીસે સમીર મુસા પટેલને ઝડપી પાડી આંકડા લખવા લોકો પાસેથી ઉઘરાવેલા રોકડ રૂપિયા, આંકડા લખવાની બુક અને મોબાઈલ મળી કુલ રૂપિયા 25,205/-નો મુદ્દમાલ કબ્જે કર્યો હતો, જ્યારે જુગાર રમાડનાર ફારૂક કુરેશીને વોન્ટેડ જાહેર કરવામાં આવ્યો હતો.