માંડવી પોલીસ સ્ટેશનમાં નોંધાયેલા ગૌવંશના ગુનામાં નાસતા ફરતા આરોપીને સુરત જિલ્લા એલસીબીએ ઝડપી પાડયો હતો. સુરત જિલ્લા એલસીબીની ટીમ પેટ્રોલિંગમાં હતી તે સમયે ખાનગી રાહે બાતમી મળી હતી કે, માંડવી પોલીસ સ્ટેશન ખાતે નોંધાયેલા ગૌવંશના ગુનામાં નાસતા ફરતા આરોપી મોસીન કાળુ મુલતાની (રહે.ઝંખવાવ) હાલમાં ફેદરિયા ચોકડી ખાતે ઊભેલો છે. જેણે ગ્રે કલરની લાંબી બાંયની પઠાણી પહેરી છે. જેથી પોલીસે ફેદરિયા રસ્તા ખાતે પહોંચી આરોપીને કોર્ડન કરી પકડી લીધો હતો અને માંડવી પોલીસને સોંપ્યો છે.