માંડવી કીમ રોડ પર આવેલ ગોડસંબા ગામે પોલીસે વિદેશી દારૂના જથ્થા સાથે એક શખ્સની ધરપકડ કરી છે જ્યારે બે આરોપીને વોન્ડેટ જાહેર કર્યા હતા.

પોલીસ સુત્રોથી મળતી માહિતી મુજબ માંડવી તાલુકાના ગોડસંબા ગામની નજીકના વળાંકમાં બાતમી વાળી ગાડી હુન્ડાઈ આઈ20(નં.જીજે/05/આરએફ/2950)ને માંડવી પો.સ.ઈ. તથા તેમના સ્ટાફ દ્રારા ઝડપી પાડવામાં આવી હતી. ગાડીમાં તપાસ કરતા વિદેશી દારૂનો જથ્થો મળી આવ્યો હતો જેમાં વિસ્કીની નાની-મોટી 1320 બોટલો જેની કીંમત 1,92,000/- જ્યારે કારની કીંમત રૂપિયા 5 લાખ તેમજ 1 મોબઈલ જેની કીંમત 5 હજાર તથા 3500/- રૂપિયા રોકડા મળી આવતા 7,00,500/-નો મુદ્દામાલ જપ્ત કરવામાં આવ્યો હતો. કાર ચાલક અકરમ રફીક સૈયદ(રહે.ઓલપાડ)ની ધરપકડ કરવામાં આવી હતી. જ્યારે મનીષ ઉર્ફે મુન્નો ગામીત(રહે.ટીચકપુરા) તથા વસીમ(રહે.સુરત)ને વોન્ડેટ જાહેર કરવામાં આવ્યા હતા. આમ, માંડવી પોલીસે ગુનો નોંધી આગળની તપાસ હાથ ધરી છે.