અમરેલી જિલ્લાના સાવરકુંડલા મહુવા રોડ બાયપાસ નજીક દીપડાનું અકસ્માતે મોત નિજપ્યું હતું. જોકે ગતરોજ મોડી રાત્રે અજાણ્યા વાહને દીપડાને અડફેટે લેતાં તેનું મોત નિપજ્યું હતું.

દીપડાના મોતથી વન વિભાગ દોડતું થયું છે. મળતી માહિતી મુજબ, અમરેલી સાવરકુંડલા મહુવા રોડ બાયપાસ નજીક મોડી રાત્રે અચાનક એક અજાણ્યા વાહનની આડે દીપડો આવી ગયો હતો. પૂરપાટ ઝડપે આવતા આ વાહને દીપડાને અડફેટે લેતાં તેનું મોત નિપજ્યું હતું. સમગ્ર ઘટના વિશે જાણ થતાં જ વન વિભાગના લોકો તાત્કાલિક ધોરણે ઘટના સ્થળે પહોંચ્યા હતાં. હાલ વન વિભાગ દ્વારા દીપડાના મૃતદેહને પોસ્ટમોર્ટમ માટે મોકલવામાં આવ્યો છે. આ સાથે જ અજાણ્યા વાહનની પણ શોધખોળ હાથ ધરવામાં આવી છે.(File Photo)