તાપી જિલ્લાના સોનગઢ નગર પાલિકાના ૭ વોર્ડની ૨૮ બેઠક પૈકી ૨૩ બેઠકો પર આજે ચૂંટણી યોજાઈ છે. જયારે ચૂંટણી પહેલા જ પાંચ બેઠક ભાજપ તરફે બિનહરીફ થઈ હતી. આ સાથે કુકરમુંડા અને નિઝર તાલુકા પંચાયતની ૩ બેઠકની પેટાચૂંટણી યોજાશે. સોનગઢ નગરપાલિકાની સામાન્ય ચૂંટણી પૂર્વે જ ૭ વોર્ડની ૨૮ બેઠક પૈકી ૫ બેઠક ભાજપને ખોળે બિનહરીફ થઇ હતી. જેથી આજે ૨૩ બેઠકો માટે ચૂંટણી યોજાશે.

ચૂંટણીમાં ભાજપના ૨૩, કોંગ્રેસના ૧૭, આપના ૭, એનસીપી ૧ અને ૩ અપક્ષ મળી કુલ પર ઉમેદવારો મેદાનમાં છે. કુલ ૨૫ મતદાન મથકોમાં ૨૩,૩૧૫ મતદારો પોતાના મતાધિકારીનો ઉપયોગ કરી શકશે. આ સાથે કુકરમુંડા તાલુકા પંચાયતની એક બેઠક ૭-ફૂલવાડી-૨ અને એજ રીતે નિઝર તાલુકાની બે બેઠક ૧૩-શાલે-૨ તથા ૧૧-સરવાળા પર પેટાચૂંટણી યોજાવાની હતી. પરંતુ ૧૧ સરવાળા બેઠક બિનહરીફ થતા હવે ૧૩-શાલે-૨ બેઠક પર ચૂંટણી યોજાશે. જિલ્લામાં કુલ ૩૭ મતદાન મથકો પર ૮૨ બેલેટ યુનિટ અને ૫૦ કન્ટ્રોલ યુનિટ મથકો પર પહોચાડવામાં આવ્યા છે.