માંડવી તાલુકાના અરેઠ ગામની સીમમાં બંધ વૃંદાવન સ્ટોન ક્વોરીમાં ટ્રેક્ટર ખાબકતા ચાલકનું મોત થયું હતું. જોકે તારીખ ૧૨-૩-૨૫ નારોજ સવારે ૧૦.૩૦ વાગ્યે રમેશભાઈ મીચરાભાઈ ચૌધરી (ઉ.વ.૫૮) પોતાનું ટ્રેક્ટર ક્વોરીમાંથી ટ્રેક્ટર ઉપર ચઢાવતા હતા ત્યારે સ્ટેરીંગ પરનો કાબૂ ગુમાવી દેતા ટ્રેક્ટર સાથે ખાણમાં ખાબક્યા હતા. રમેશભાઈને માથાના ભાગે અને ડાબા પગે ગંભીર ઈજાઓ પહોંચી હતી. તેમને તાત્કાલિક સારવાર માટે હોસ્પિટલ ખસેડવામાં આવતા ફરજ પરના ડોક્ટરે તેમને મૃત જાહેર કર્યા હતા. આ ઘટના અંગે રાજુભાઈ રમેશભાઈ ચૌધરીએ પોલીસ ફરિયાદ નોંધાવી છે. પોલીસે ગુનો નોંધી આગળની તપાસ હાથ ધરી હતી.