સોનગઢનાં કુમકુવા રોડ પર આવેલ એક સ્ટોન કવોરીની પથ્થરની ૩૦૦ ફુટ ઊંડી ખાણમાં તારીખ ૧૭/૧/૨૦૨૫ નારોજ સાંજનાં સમયે ટ્રક ખાબકતા તેના ચાલકનું ઘટના સ્થળે જ કમકમાટી ભર્યુ મોત નિપજયુ હતું.

બનાવની વિગત એવી છે કે, ખૂબ જ ઊંચાઈથી ટ્રકમાં ખાણમાં પડતા ટ્રકના ફુરચેફુરચા ઉડી ગયા હતા અને તેના ચાલકના મૃતદેહના પણ બે ટુકડા થઈ ગયા હતા. સોનગઢથી કુમકુવા રોડ તરફ આ ટ્રક એક ડામર પ્લાન્ટ પર જઈ રહી હતી.ત્યારે ત્યારે રસ્તા પરથી આ ટ્રક અચાનક ડાબી સાઈડે જઈ તાર ફેન્સીંગ તોડી રસ્તાથી લગભગ ૫૦ ફૂટ દૂર આવેલ પથ્થરની ખાણમાં ખાબકી હતી. જોકે ટ્રક ચાલકને ખેંચ કે એટેક આવતા આ અકસ્માત થયો હોવાનું માનવામાં આવે છે. ઘટના અંગે પોલીસ તપાસ કરી રહી હતી. જયારે ટ્રકનો ચાલક નજીકના ચોરવાડ ગામનો હોવાનું જાણવા મળેલ હતું.