દુનિયા આખી કોરોનાના નવા વેરિએન્ટ ઓમિક્રોનના કારણે ચિંતામાં છે ત્યારે ફ્રાન્સમાં કોરોનાનો નવો વેરિએન્ટ જોવા મળ્યો છે અને તેમાં 46 મ્યુટેશન્સ જોવા મળ્યા છે. નવો વેરિએન્ટ પણ ખતરનાક સાબિત થઈ શકે છે. જોકે હજી તેના પર ઘણુ સંશોધન કરવાની જરુર છે. વૈજ્ઞાનિકોને ચિંતા છે કે, નવો વેરિએન્ટ ફ્રાંસમાંથી બ્રિટનમાં પણ ફેલાઈ શકે છે.કોરોનાના જેટલા પણ વેરિએન્ટ સામે આવ્યા છે તેના કરતા આ વેરિએન્ટ બહુ અલગ છે. નવા વેરિએન્ટને શોધનાર ઈન્સ્ટિટ્યુટે તેની જાહેરાત કરી છે. જોકે વર્લ્ડ હેલ્થ ઓર્ગેનાઈઝેશન દ્વારા તેના પર હજી સુધી કોઈ તપાસ થઈ નથી. આમ તો તેનો પહેલો કેસ નવેમ્બરમાં દેખાયો હતો પણ વૈજ્ઞાનિકોનુ તેના પર હવે ધ્યાન પડ્યુ છે. આ વેરિએન્ટથી સંક્રમિત થનાર વ્યક્તિએ રસીના બંને ડોઝ લીધા હતા અને તે કેમરુનની યાત્રા કરીને ફ્રાન્સ પાછો આવ્યો હતો એ પછી તેને શ્વાસ લેવામાં તકલીફ પડી હતી. તપાસ કરતા તેનો કોરોના રિપોર્ટ પોઝિટિવ આવ્યો હતો.