પલસાણાના તારાજ પાસેથી રીઢા ચોર રઈશ સૈયદને રૂ.૨.૬૦ લાખના મુદ્દામાલ સાથે ઝડપી પાડીને પલસાણા પોલીસે ઘરફોડ ચોરી, મોબાઇલ સ્નેચિંગ તથા મોબાઇલ ચોરીના ૮ ગુનાઓનો ભેદ ઉકેલ્યો હતો. જ્યારે તેના અન્ય એક સાગરીતને વોન્ટેડ જાહેર કર્યો હતો. મળતી માહિતી મુજબ, પલસાણા પોલીસ સ્ટાફની ટીમ પેટ્રોલીંગમાં હતા તે દરમ્યાન પલસાણા પોલીસ સ્ટેશનના પી.આઈ. તથા સ્ટાફને બાતમી મળી હતી કે, એક ઓટો રિક્ષા લઈને ચોરી કરેલા મોબાઈલ વેચવા માટે સચીનથી પલસાણા તરફ એક શખ્સ આવી રહ્યો છે.

જેથી પોલીસે તારાજ પાસેથી રિક્ષાને રોકી રઈશઅલી શબ્બીરઅલી સૈયદ (ઉ.વ.૩૬., ધંધો-રીક્ષા ડ્રાઈવિંગ હાલ રહે.ફ્લેટ નં.૧૩૦૧ ૬-બિલ્ડિંગ ડુંભાલ ટેનામેન્ટ ઓમ નગર લિંબાયત, સુરત શહેર, મુળ રહે.ગંજી મહોલ્લો ભડગાંવ, તા.ભડગાંવ, જી.જલગાંવ (મહારાષ્ટ્ર)ને ઝડપી પાડયો હતો. આમ, પોલીસે આરોપી પાસેથી ૧૩ મોબાઈલ ફોન કિં.રૂ.૧,૦૩,૦૦૦- અંગઝડતીના રોકડા રૂપિયા ૭,૦૦૦, ઓટો રીક્ષા નંબર કિં.રૂ.૧,૫૦,૦૦૦ મળી કૂલ કિં.રૂ.૨,૬૦,૦૦૦/-નો મુદામાલ કબજે કરી તેના અન્ય અન્ય સાથીદાર ઇરાન શેખ (રહે.ભેસ્તાન આવાસ ભેસ્તાન, સુરત)ને વોન્ટેડ જાહેર કર્યો હતો.