Tapi mitra news:સુરત શહેર માટે લિંબાયત બાદ હવે કતારગામ ઝોન નવુ હોટસ્પોટ ઝોન તરીકે સામે આવ્યું છે. તેમાં પણ ડાયમંડની મહાકાય ફેક્ટરીઓ જોખમી બનવા જઈ રહી છે. છેલ્લા એક સપ્તાહથી હીરા વ્યવસાય સાથે સંકલાયેલા લોકોના સોથી વધુ કેસ સામે આવી રહ્યા છે. આજે સોમવારે શહેરમાં બપોર સુધીમાં ૩૪ કેસ જયારે જિલલામાં ૩ કેસ મળી કુલ ૩૭ કોરોનાના પોઝિટિવ કેસ સામે આવતા શહેરમાં ૨૬૪૮ અને જિલ્લામાં ૨૪૩ મળી કુલ પોઝિટિવ કેસનો આંક ૨૮૯૨ ઉપર પહોચ્યો છે જયારે મોતની સંખ્યા ૧૦૮ થઈ છે. સુરત શહેર જિલ્લામાં અનલોક-૧માં કોરોના દિવસે દિવસે વધુ ધાતક બની રહ્ના છે.સૌથી વધુ કતારગામ ઝોનમાં છેલ્લા ૧૦ દિવસથી કેસ નોધાવાની સંખ્યામાં વધારો જાવા મળી રહ્ના છે. હીરા વ્યવસાય સાથે સંકળાયેલા રત્નકલાકારો, હીરા દલાલો અને ફેકટરીના માલીકો કોરો સંક્રમીત બની રહ્ના છે. આ ઉપરાંત કોરોના વોરીયર્સ મહત્વની ભુમીકા અદા કરતા પોલીસ, આરોગ્ય વિષય સેવા સાથે સંકળાયેલા કર્મચારીઓ પણ આ જીવલેણ રોગના શિકાર બની રહ્ના છે. ત્યારે આજે બપોરે સુરત શહેરમાં વધુ ૩૪ અને જિલ્લામાં ચોર્યાસીના ઈચ્છાપોરમાં ૩૯ વર્ષીય પુરુષ, કામરેજ ૩૩ વર્ષીય પુરુષ અને પલસાણા તાલુકામાં એના ગામના ૬૦ વર્ષીય પુરુષનો મળી જિલ્લામાં વધુ ૩ કેસ સામે આવ્યા છે. જિલ્લામાં પોઝિટિવ કેસની સંખ્યા ૨૪૪ પર પહોચી છે અને મોતની સંખ્યા ૩ થઈ છે. આ ઉપરાંત શહેરમાં  આજે નોધાયેલા વધુ ૩૪ કેસ સાથે કુલ પોઝિટિલ કેસનો આંકડો ૨૬૪૮ ઉપર પહોચ્યો છે. અને મરણાંક ૧૦૫ થયો છે. આમ શહેર જિલ્લાના  કુલ પોઝિટિવ કેસની સંખ્યા ૨૮૯૨ અને મરણાંક ૧૦૮ થઈ છે.