Tapi mitra news:રાંદેર વિસ્તારમાં રહેતી યુવતીને પરિણીત યુવકે પ્રેમજાળમાં ફસાવી લગ્ન કરી બીજી પત્ની તરીકે સાથે રાખવાનું કહી અવાર નવાર શારીરીક સંબંધો બાંધ્યા બાદ તરછોડી દીધી હતી. બનાવ અંગે રાંદેર પોલીસ પાસેથી મળતી વિગત મુજબ પાલ તળાવ પાસે જૈનમ રેસીડેન્સીમાં રહેતા દર્શન ભગવાન ભાદાણી (ઉ.વ.૪૫) સામે બળાત્કારની ફરિયાદ નોધાઈ છે.દર્શન ભાદાણીએ રાંદેર વિસ્તારમાં રહેતી યુવતીને પ્રેમજાળમાં ફસાવી હતી.દર્શન પરિણીત હોવા છતાંયે યુવતીને તેની સાથે લગ્ન કરી બીજી પત્ની તરીકે સાથે રાખવાની લાલચ આપી હતી અને અવાર નવાર તેની સાથે શારીરીક સંબંધો બાંધ્યા હતા. ત્યારબાદ દર્શન ભાદાણીએ પ્રેમીકાને તેમના સંબંધો અંગે ઘરે કોઈને જાણ કરી તો જાનથી મારી નાંખવાની ધમકી આપી તરછોડી દીધી હતી. બનાવ અંગે પોલીસે ભોગ બનનાર યુવતીની ફરિયાદને આધારે  આઈપીસી કલમ ૪૯૩, ૫૦૬ (૨) મુજબ ગુનો દાખલ કરી તપાસ હાથ ધરી છે.