તાપીમિત્ર ન્યુઝ,સુરત:મોટા વરાછા સુદામા ચોક વિસ્તારમાં રહેતા રિયલ એસ્ટેટના બ્રોકરે ડબ્બા ટ્રેડીંગમાં રોકેલા રૂપિયા ૧.૯૦ લાખના બિલની માંગણી કરતા શેરબ્રોકરોએ તેના સાગરીતો સાથે હુમલો કરી જાનથી મારી નાંખવાની ધમકી આપી હતી. ડબ્બા  ટ્રેડીંગ કરતા આરોપીઓની ઓફિસમાં થોડા દિવસ પહેલા જ પોલીસે રેડ પાડી કેસ કર્યો હતો. મોટા વરાછા સુદામા ચોક શ્રીનીધી એપાર્ટમેન્ટમાં રહેતા હરેશ રવજી કાછડીયા જમીન અને મકાનની દલાલીનું કામકાજ કરે છે. હરેશે વરાછા યશ પ્લાઝામાં શેરબજારના ડબ્બા ટ્રેડીંગનું કામ કરતા અને મોટા વરાછા એપલ હાઇટ્સમાં રહેતા મુકેશ ખીમજી વિરાણી અને વેસુ સાંઇ કુટીર સોસાયટીમા રહેતા વિપુલ નટુ પાનસુરીયા પાસે રૂપિયા ૧.૯૦ લાખના શેરમાં રોકાણ કરાવ્યું હતું જે અંગેનું હરેશે બિલ માંગતા આરોપીઓએ તેના સાગરીત બાલા નામના યુવકને હરેશને તેના ઘરે ધમકી આપવા માટે મોકલ્યો હતો. બાલાએ કેમ વિપુલ અને મુકેશને ફોન કરે છે હોવાનુ કહી ઝઘડો કરી મારમાર્યો હતો. પોલીસે હરેશની ફરિયાદ લઈ તપાસ હાથ ધરી છે વધુમાં ડબ્બા ટ્રેડીંગનું કરતા મુકેશ અને વિપુલની ઓફિસમાં થોડા દિવસ પહેલા જ વરાછા પોલીસે રેડ પાડી બંને જણાની ધરપકડ કરી હતી.