તાપીમિત્ર ન્યુઝ,સુરત:ઉત્તર-પશ્ચિમ રેલવેના અજમેર અને ઉદેપુર મંડળમાં પૈચ ડબલીંગ કાર્ય શરૂ કરવાને લીધે નોન-ઈન્ટરલોકીંગના કામને કારણે પશ્ચિમ રેલવેની વિવિધ ટ્રેનની સેવાને અસર થશે. ૪ જોડી ટ્રેન રદ, ૮ ટ્રેન આંશિક રદ,૪૪ ટ્રેન ડાયવર્ટ,૯ ટ્રેનના સમયમા અડધાથી એક કલાકનો ફેરફાર તથા એક ટ્રેન રિ-શિડયુલ્ડ કરવામાં આવી છે. જેમાં ૧૯મી ફેબ્રુઆરીના રોજ અમદાવાદ-કોલકત્તા એકસપ્રેસ,૨૨ ફેબ્રુઆરીના રોજ કોલકાતા-અમદાવાદ એક્ષપ્રેસ,૨૪મી ફેબ્રુઆરીના રોજ ઓખા-જયપુર એકસપ્રેસ,૨૫મી ફેબ્રુઆરીના રોજ જયપુર-ઓખા એકસપ્રેસ અને તા.૧૫ મી અને ૨૨મી ફેબ્રુઆરીના રોજ ઉદયપુર દિલ્હી સરાઇ રોહીલા હમસફર એકસપ્રેસ ટ્રેન રદ્દ કરવામાં આવી છે. જેના કારણે મુસાફરોને હાલાકીનો સામનો કરવો પડશે.